3. Inuit isertitaat
Kapitalimi uani inuit isertitaanut paasissutissat saqqummiunneqarput. Immikkoortut arfinilinngorlugit agguarneqarpoq, tassani inuit isertitaasa assigiinngissusii erseqqissarneqarput, najugaqarfinni aammalu isertitat qanoq inissisimanerat tunngavigalugit saqqummiunneqarlutik.
Isertitaqarlutik akileraartartut, isertitallit nalunaarsuiffianni nalunaarsorsimasut ukiullu naanerani 15-inik ukioqalereersimasut tunngavigalugit inuit isertitaat naatsorsorneqarput. Taassumalu saniatigut Naatsorsueqqissaartarfiup innuttaasunut nalunaarsuiffiani ukiup pineqartup aallartinnerani naaneranilu nalunaarsorsimasut tunngavigineqarlutik.
3.1 2024-mi inuit isertitaat
Isertitat pillugit kisitsisitigut paasissutissat aallartillugit isertitat pillugit, ukiumi pineqartumi inuit isertitaanut tunngasunik assigiinngitsunik saqqummiussisoqarpoq.
Isertitat pillugit nalunaarsuiffimmut inuit 50.203-t isertitaat 2024-mi nalunaarutigineqarsimapput. Taakkunannga 42.854-t piumasaqaataasut angusimavaat. Taakku isertitaat tunngavialugit 2024-mi inuit isertitaat suliarineqarput.
Inuussutissarsiornermit isertitat
Inuussutissarsiutinit isertitat tassaapput sulisut akissarsiaat, namminersortut suliffeqarfiutiminnit sinneqartoorutaat, siunnersortinut akissarsiarititat nunaniillu allanit isertitat il.il. Meerartaarnermi ullormusiat, angalanermi ullormusiat aamma sulilluni tunissutisiat isertitanut ilaapput. Akissarsiat, sulilluni tunissutisiat il.il. Inuussutissarsiornermit isertitat ilanngaateqanngitsut, tassa akileraannginnermi annertussusaat malillugit naatsorsorneqarput.
Takussutissiaq 3.1 Inuussutissarsiornermit isertitat. 2024
|
Isertitat suussusaat malillugit |
Isertitat annertussusaat |
Isertitalinnut tamanut agguaqati-giissillugu |
Isertitat suussusaat malillugu agguaqatigiis-sillugit |
|
|
|
Amerlass. |
1.000 kr. |
Kr.-nngorlugit |
|
|
Inuussutissarsiornermit isertitat |
35.531 |
11.329.748 |
264.380 |
318.869 |
|
Akissarsiat, tunissutisiat il.il. ... |
33.766 |
10.297.482 |
240.292 |
304.966 |
|
Suliffeqarfiup sinneqartoorutai . |
4.431 |
929.997 |
21.702 |
209.884 |
|
Nunanit allanit isertitat ........ |
850 |
13.392 |
313 |
15.755 |
|
Suliaqartitsinermi akissarsiat aamma akissarsiat B-t allat |
3.847 |
88.877 |
2.074 |
23.103 |
Najoqqutaq: https://bank.stat.gl/INNPI101
Takussutissiaq 3.1-imi takuneqarsinnaasutut 2024-mi inuit 35.531-it inuussutissarsiornermit isertitaqarsimapput. Isertitat katillugit 11,3 mia. kr.-usimapput. 2024-milu agguaqatigiissillugu inuit 42.854-t 264.380 kr.-nik inuussutissarsiornermit isertitaqarsimapput, inuillu 35.531-it agguaqatigiissillugu 318.869 kr.-nik inuussutissarsiornermit isertitaqarsimallutik.
Inuussutissarsiornermit isertitat annertussusaat ukioqqortussusermit aamma suiaassutsinit sunnerneqartarput. Nalinginnaasumik angutit arnanut sanilliullugit inuussutissarsiornermit isertitaat annertunerusarput sulisinnaasullu akornanni aamma inuussutissarsiornermit isertitaat annertunerusarlutik, takuuk titartagaq 3.1.
Titartagaq 3.1 Inuussutissarsiornermit isertitat, ukiut suiaassuserlu malillugit. 2024
Najoqqutaq: https://bank.stat.gl/INNPI101
Isertitat pillugit kisitsisitigut paasissutissanut soraarnerussutisiaqalernissamut pinngitsoorani akiliisussaatitaanermut aamma ATP-mut akilikkat akissarsianut ilanngunneqanngillat. Soraarnerussutisiaqalernissamut akilerneqartussat aatsaat soraarnerussutisiaqalersimanermi isertitat pillugit kisitsisitigut paasissutissanut ilanngunneqartarput. Nammineerlunili soraarnerussutisianut akilikkat ilanngunneqarput ukiumi akiliiffigineqartumi inuussutissarsiummit isertitatut naatsorsuunneqarlutik. Suliffeqarfiillu namminersortut naatsorsuutaasa inerneri ukiumi pineqartumut naatsorsuutinut aamma ilanngunneqarput.
Ikiorsiissutit
Pisortanit ikiorsiissutit isertitani taaneqartut tassaapput utoqqalinermi soraarnerussutisiat, siusinaarluni soraarnerussutisiat, suliffeqanngikkallarnermi ikiorsiissutit assigiinngitsut, pisortanit ikiorsiissutit, ilinniagaqarnersiutit, ineqarnermut tapiissutit meeqqanullu tapiissutit. Malugiuk ikiorsiissutit ilaat akileraarutaasanngimmata. Akileraarutaasussaanngitsut ilaatigut tassaasinnaapput utoqqalinermi soraarnerussutisiat, siusinaarluni soraarnerussutisianut ilinnigaqarnersiutinullu tapiissutit assigiinngitsut.
Takussutissiaq 3.2 Pisortanit ikiorsiissutit. 2024
|
Isertitat suussu-saat malillugit |
Isertitat annertussusaat |
Isertitalinnut tamanut agguaqati-giissillugu |
Isertitat suussusaat malillugu agguaqatigiis-sillugit |
|
|
|
Amerlass. |
1.000 kr. |
Kr.-nngorlugit |
|
|
Pisortanit ikiorsiissutit katillugit |
18.725 |
1.260.717 |
29.419 |
67.328 |
|
Suliffeqanngikkallarnermi, |
5.456 |
134.358 |
3.135 |
24.626 |
|
Suliffeqanngikkallarnermi..... |
4.323 |
92.658 |
2.162 |
21.434 |
|
Pisortanit ikiorsiissutit........ |
2.296 |
41.700 |
973 |
18.162 |
|
Ikiorsiissutit allat........... |
10.695 |
268.704 |
6.270 |
25.124 |
|
Ilinniagaqarnersiutit.......... |
4.454 |
141.993 |
3.313 |
31.880 |
|
Ineqarnermut tapit........... |
4.257 |
87.839 |
2.050 |
20.634 |
|
Meeqqanut tapit............. |
4.523 |
38.873 |
907 |
8.594 |
|
Pisortanit soraarnerussutisiat |
6.914 |
857.655 |
20.013 |
124.046 |
|
Utoqqalinermi............... |
4.350 |
542.340 |
12.656 |
124.676 |
|
Siusinaartumik.............. |
2.856 |
315.314 |
7.358 |
110.404 |
Najoqqutaq: https://bank.stat.gl/INNPI101
Takussutissiaq 3.2-mi takuneqarsinnaavoq 2024-mi inuit 18.725-t ikiorsiissutinik isertitaqarsimasut. Pisortat ikiorsiissutaat 1,3 mia. kr.-nik naleqarsimapput. 2024-mi agguaqatigiissillugu inuit 42.854-t 29.419 kr.-nik ikiorsiissutinik isertitaqarsimapput, inuillu 18.725-t agguaqatigiissillugu 67.328 kr.-nik ikiorsiissutinik isertitaqarsimallutik.
Aningaasat ikiorsiissutit eqqarsaatigalugit pisortanit soraarnerussutisiat 68 pct.-iullutik annertunerpaajusimapput. Ikiorsiissutit ass. ilinniagaqarnersiutit, ineqarnermut tapiissutit aamma meeqqanut tapiissutit 21 pct.-inik annertussuseqarput, suliffeqanngikkallarnermut ikiorsiissutit aamma pisortanit ikiorsiissutit allat 11 pct.-iusimasut.
Ikiorsiissutinut assigiinngitsunut ukiut apeqqutaasarput, aamma ikiorsiissutit annertussusaannut, titartagaq 3.2 takuuk. Inuusuttuaqqat 15-19-inik ukiullit akornanni ikiorsiissutinik allanik, ilinniagaqarnersiutit saniatigut, ikiorsiisarneq annertunersaavoq. Sulisinnaasut 20-64-inik ukiullit akornanni suliffeqanngikkallarnermi ikiorsiissutit annertunerpaapput, taakkulu saniatigut ineqarnermut tapit 40-44-llu akornanni ukiulinni annertunerullutik. Pisortanit soraarnerussutisiat ukioqqortusiartorneq malillugu annertusiartorput, 50-54-illu akornanni ukiulinni aallartereertarluni.
Titartagaq 3.2 Agguaqatigiissillugu pisortanit ikiorsiissutit, ukiunut agguaallugit. 2024
Najoqqutaq: https://bank.stat.gl/INNPI101
Ikiorsiissutit annertussusigisartagaat eqqarsaatigalugit ilaqutariit qanoq isikkoqarneri qiviassallugit tulluartuuvoq. Pisortanit ikiorsiissutigineqartartut annertussusigisartagaanut pingaarnerpaat tassaasarput kisermaajuneq imaluunniit aapparisamik najugaqateqarneq, ilaqutariillu akornanni meeqqat amerlassusaat, meeraqarnermi meeqqanut tapinik allanillu ikiorsiissutinik peqartoqarsinnaasarmat.
Pigisanit nalilinnit isertitat
Pigisanit nalilinnit isertitat tassaapput inuup imaluunniit ilaqutariit pigisaanit nalilinnit iluanaarutit. Pigisanit nalilinnit isertitanut ilaapput aktianit pappialanillu pigisanit nalilinnit allanit iluanaarutit aamma annaasaqaatit.
Pigisanit nalilinnit isertitat tamarmiusut tassaapput ernianit isertitat aamma pigisanit nalilinnit ass. aktianit assigisaannillu isertitat annaasaqaatillu. Ukiuni kingullerni ernianit isertitat ikilisimapput, erniat annikinneruleriartornerinik peqquteqartumik.
Takussutissiaq 3.3 Pigisanit nalilinnit isertitat, ilanngaateqanngitsut. 2024
|
Isertitat suussu-saat malillugit |
Isertitat annertus-susaat |
Isertitalinnut tamanut agguaqati-giissillugu |
Isertitat suussusaat malillugu agguaqatigiis-sillugit |
|
|
|
Amerlass. |
1.000 kr. |
Kr.-nngorlugit |
|
|
Pigisanit nalilinnit isertitat, ilanngaateqanngitsut.......... |
36.985 |
45.289 |
1.057 |
1.225 |
|
Ernianit isertitat ............... |
36.969 |
31.715 |
740 |
858 |
|
Pigisanit nalilinnit allanit isertitat (aktianit il.il.) |
366 |
13.574 |
317 |
37.088 |
Najoqqutaq: https://bank.stat.gl/INNPI101
Takussutissiaq 3.3-mi takutinneqarpoq 2024-mi inuit 36.985 -it pigisanit nalilinnit isertitaqarsimasut. Pigisanit nalilinnit 45,3 mio. kr.-t isertinneqarsimapput. Pigisanit nalilinnit isertitat annerpaartaat aktianit, obligationinit, ernianit assigisaaniillu isertinneqarsimapput. 2024-milu inuit 42.854-usut tamakkerlugit agguaqatigiissillugit pigisanit nalilinnit 1.057 kr.-t isertitarisimavaat, inuillu pigisanit nalilinnit isertitaqarsimasut 36.985-it agguaqatigiissillugu 1.225 kr.-nik isertitaqarsimapput.
Inuunerup ingerlanerani pigisanit nalilinnit isertitat annertusiartortarput, soraarnerussutisiaqalernerullu nalaani annertunerpaanngortarlutik. Tamanna pigisanit nalilinnit isertitani takuneqarsinnaavoq. Pigisanit nalilinnit isertitat annertussusaat suiaassutsit malillugit aamma takuneqarsinnaapput, takuuk titartagaq 3.3.
Titartagaq 3.3 Pigisanit nalilinnit isertitat, ilanngaateqanngitsut ukiut suiaassuserlu malillugit. 2024
Najoqqutaq: https://bank.stat.gl/INNPI101
40-nik ukioqalernermiit angutit arnanit amerlanerusunik pigisanit nalilinnit isertitaqartarput. Tamanna assigiinngitsunik nassuiaatitaqarsinnaavoq. Nassuiaat siulleq tassaasinnaavoq ilaqutariit nalilinnik pigisatik (kreditlån aamma ernianut aningaasartuutit ilanngullugit) angummut nalunaarsorsimatinneqartarmata. Nassuiaat taanna titartakkami 3.4-imi ilaatigut ilalersorneqarpoq, titartakkamilu takuneqarsinnaallutik pigisanit nalilinnit isertitat ilanngaaseriikkat. Ernianut aningaasartuutit peereernerisigut arnat angutillu nalilinnit isertitaat assigiiginnangajalertarput. Malugiuk pigisanit nalilinnit isertitat tamani negativiunerat, arnat angutillu akornanni aamma ukioqqortussutsini, taamaallaat 75-ileereersimasut pinnagit.
Titartagaq 3.4 Pigisanit nalilinnit isertitat, ilanngaaseriikkat ukiut suiaassuserlu malillugit. 2024
Najoqqutaq: https://bank.stat.gl/INNPI101
Isertitat pillugit kisitsisitigut paasissutissanut pigisanit nalilinnit isertitat tamarmik ilaanngillat. Ilanngunneqarsimanngitsut pingaarnerit tassaapput akileraarutitaqanngitsumik iluanaarutit, ass. illumik tunisinermi pisinermilu kiisalu utoqqalinersiaqalernissamut pigisanit isertitat, takuuk kapitali 7-imi immikkoortoq 7.4.
Naatsorsueqqissaartarfiup Kisitsisaataasiviani 2008-miit 2024-mut inuit isertitaannut tunngasunik tabelinik nammineq toqqartuilluni kisitsisinik aallertoqarsinnaavoq.
3.2 Kommunini isertitat
Kommunini tamani Kommuneqarfik Sermersuumi inuit isertitaat annertunerpaapput. Qeqqata Kommuniani isertitat qaffasissusaat nuna tamakkerlugu agguaqatigiissinnerisa annertoqataannik inissisimapput, Kommune Kujallermili, Kommune Qeqertalimmi aamma Avannaata Kommuniani nuna tamakkerlugu agguaqatigiissitsinermit isertitat 13-21 pct.-inik appasinnerupput, takuuk takussutissiaq 3.4.
2018-imi januaarip aallaqqaataani Qaasuitsup Kommunia kommuninut marlunnut avinneqarpoq; Kommune Qeqertalimmut aamma Avannaata Kommunianut. 2002-miit 2024-mut isertitat kisitsisitigut paasissutissaat kommunit nutaat tunngavigalugit suliarineqarput.
Takussutissiaq 3.4 Agguaqatigiissiillugu inuit isertitaat. 2024
|
|
Isertitat katillugit |
Akileraarutaasussat |
Isertitat atoriaannaat |
|
|
1.000 kr. |
||
|
Nuna tamakkerlugu .............. |
300 |
288 |
191 |
|
Kommune Kujalleq ................ |
261 |
246 |
172 |
|
Kommuneqarfik Sermersooq ........ |
349 |
339 |
215 |
|
Qeqqata Kommunia ............... |
300 |
285 |
195 |
|
Kommune Qeqertalik.............. |
236 |
223 |
159 |
|
Avannaata Kommunia............. |
248 |
235 |
162 |
Najoqqutaq: https://bank.stat.gl/INNPI101
2024-mi inuit isertitaat agguaqatigiissillugu 10.000 kr.-t missaannik amerleriarput pct.-inngorlugu 3,6 pct.-iulluni. Kommune Kujallermi isertitat 4,7 pct.-inik qaffariaateqarnerpaasimapput. Avannaata Kommuniani aamma Kommuneqarfik Sermeruumi isertitat aamma 3,4 pct.-inik 3,6 pct.-inillu annertunerulersimallutik.
Takussutissiaq 3.5 Agguaqatigiissillugu isertitat tamakkiisut
|
|
2020 |
2021 |
2022 |
2023* |
2024* |
Allannguut 2023-2024 |
|
|
1.000 kr. |
Pct. |
||||
|
Nuna tamakkerlugu |
263 |
264 |
279 |
289 |
300 |
3,6 |
|
Kommune Kujalleq ........... |
217 |
223 |
231 |
241 |
261 |
4,7 |
|
Kommuneqarfik Sermersooq ... |
310 |
309 |
324 |
336 |
349 |
3,6 |
|
Qeqqata Kommunia .......... |
256 |
258 |
277 |
284 |
300 |
2,6 |
|
Kommune Qeqertalik......... |
209 |
212 |
223 |
229 |
236 |
2,8 |
|
Avannaata Kommunia......... |
226 |
224 |
237 |
245 |
248 |
3,4 |
Malugiuk: Kisitsisit 2023-meersut aamma 2024-meersut kisitsisaagallarput.
Najoqqutaq: https://bank.stat.gl/INNPI101
Isertitat qaffakkiartornerini aamma atuisinnaanerup qaffakkiartorneranut nalilersuinermi eqqumaffigisariaqarpoq pisisinnaassuseq isertitat annertussusaannik taamaallaat tunngaveqanngimmat, nioqqutissalli akiisa ineriartornerat aamma apeqqutaasarmat. Nioqqutissat akiinut ineriartornerup ilanngunnissaanut atuisunut akit naleqqersuutaat atussallugu pitsaanerpaavoq.
Atuisunulli akit naleqqersuutaataa ajoqutigisarpaa innuttaasut ataasiakkaat agguaqatigiissillugu atuinerat malillugu naatsorsorneqartarmat. Piviusumi innutaasut assigiimmik isertitallit nioqqutissanik sullissinernillu assigiinngitsunik pisiortorsinnaasarput, agguaqatigiissitsinermit allaanerulluinnartumik. Allatut oqaatigalugu isertitat pisissutaasinnaasut ersarinnerusumik naatsorsoruminaapput. Paarlattuanik isertitat pisissutaasinnaasut innuttaasup agguaqatigiissillugu atuisarnera isertitat ineriartornerannut naleqqiullugu naatsorsorneqarpoq.
2002-miit 2024-mut isertitat pisissutaasinnaasut 17,0 pct.-inik qaffassimapput. 2015-imiit 2016-imilu isertitat pisissutaasinnaasut qaffannerpaasimapput, 3,9 pct.-inik qaffassimallutik. 2016-imiilli ukiut tamaasa ineriartornerat annertusiartorsimalluni.
Titartagaq 3.5 2002-miit 2024-mut agguaqatigiissillugu isertitat pisissutaasinnaasut
Malugiuk: Kisitsisit 2023-meersut aamma 2024-meersut kisitsisaagallarput.
Malugiuk: Isertitat pisissutaasinnaasut naatsorsorneqarput inuit isertitaasa tamarmiusut (akileraannginnermi il.il) aamma nuna tamakkerlugu naatsorsuutini atuisunut akit naleqqersuutaannut iluarsaassat tunuliaqutaralugit.
Najoqqutaq: https://bank.stat.gl/INNPI501
3.3 Distriktini isertitat
Siornatigut kommuniusimasunut 18-inut, massakkut distriktinik taaneqartunut, inuit isertitaat akileraarusernagit il.il. tamakkiisut isigissagaanni Nuup distriktiani annertuumik qaffasinnerupput, takuuk titartagaq 3.6. 2024-mi Nuummi agguaqatigiissillugu isertitat 373.000 kr.-upput, nuna tamakkerlugu isertitaqarfiusup qaffasinnerpaap tullianiit Sisimiuniit 19,5 pct.-inik isertitat qaffasinnerullutik. Distriktini sinneruttuni tamani isertitat annertussusaat nuna tamakkerlugu agguaqatigiissitsinermit appasinnerupput.
Titartagaq 3.6 Distriktini agguaqatigiissillugu inuit isertitaat tamakkiisut. 2024
Najoqqutaq: https://bank.stat.gl/INNPI102
2024-mi isertitat Qaqortup distriktiani qaffariaateqarnerpaasimapput, 2023-mut sanilliullugu innuttaasut 23.000 kr.-nik agguaqatigiissillugu isertitaqarnerusimallutik, 8,7 pct.-inik annertunerusunik. Nuup distriktiani isertitat qaffasinnerpaapput, 2024-mi inuit isertitaat katillugit 373.000 kr.-usimallutik, 3,4 pct.-inillu qaffassimallutik.
Takussutissiaq 3.6 Distriktini tamani agguaqatigiissillugu inuit isertitaat tamakkiisut
|
|
2020 |
2021 |
2022 |
2023* |
2024* |
Allannguut 2023-2024 |
|
|
1.000 kr. |
Pct. |
||||
|
Nuna tamakkerlugu |
263 |
264 |
278 |
288 |
300 |
4,1 |
|
Nanortalik .......... |
181 |
181 |
196 |
206 |
223 |
8,5 |
|
Qaqortoq ........... |
241 |
244 |
251 |
263 |
286 |
8,7 |
|
Narsaq ............. |
208 |
220 |
225 |
233 |
246 |
5,8 |
|
Paamiut ............ |
202 |
208 |
218 |
218 |
232 |
6,4 |
|
Nuuk .............. |
338 |
334 |
349 |
361 |
373 |
3,4 |
|
Maniitsoq ........... |
229 |
232 |
248 |
255 |
277 |
8,6 |
|
Sisimiut ............ |
270 |
272 |
292 |
299 |
312 |
4,2 |
|
Kangaatsiaq ........ |
157 |
163 |
180 |
184 |
186 |
1,2 |
|
Aasiaat ............ |
216 |
223 |
232 |
236 |
247 |
4,7 |
|
Qasigiannguit ....... |
227 |
225 |
235 |
243 |
247 |
1,6 |
|
Ilulissat ............ |
258 |
257 |
271 |
284 |
287 |
0,8 |
|
Qeqertarsuaq ....... |
230 |
210 |
230 |
240 |
241 |
0,1 |
|
Uummannaq ........ |
224 |
217 |
229 |
232 |
238 |
2,5 |
|
Upernavik .......... |
185 |
182 |
198 |
198 |
195 |
-1,2 |
|
Qaanaaq ........... |
164 |
170 |
175 |
183 |
191 |
4,3 |
|
Tasiilaq ............ |
182 |
191 |
200 |
217 |
218 |
0,8 |
|
Ittoqqortoormiit ...... |
197 |
211 |
236 |
239 |
257 |
7,3 |
Malugiuk: Kisitsisit 2023-meersut aamma 2024-meersut kisitsisaagallarput.
Najoqqutaq: https://bank.stat.gl/INNPI10
Upernaviup distriktiani najugallit iseritaat annikillipput 1,2 pct.-imik, tamanna takussutissiami 3.6-imi aamma titartakkami 3.7-imi takutinneqarpoq.
Titartagaq 3.7 Distriktini agguaqatigiissillugu inuit isertitaasa tamakkiisut ineriartornerat. 2024
Najoqqutaq: https://bank.st at.gl/INNPI102
3.4 Illoqarfinni nunaqarfinnilu isertitat
Nalinginnaasumik nunaqarfinni isertitat illoqarfinni isertitanut sanilliullugit appasinnerupput, takuuk titartagaq 3.8. 2024-mi nuna tamakkerlugu inuttaasoq ataaseq illoqarfimmi najugalik agguaqatigiissillugu 311.000 kr.-nik tamakkiisunik akileraarusigaanngitsunillu isertitaqarsimavoq, nunaqarfimmilu najugalik agguaqatigiissillugu 213.000 kr.-nik isertitaqarsimasoq. Titartakkamili ersarissumik takutinneqarpoq illoqarfinni nunaqarfinnilu nikingassutsit kommunit akornanni assigiinngiiaarnerat.
Titartagaq 3.8 Illoqarfinni nunaqarfinnilu agguaqatigiissillugu inuit isertitaat tamakkiisut. 2024
Najoqqutaq: https://bank.stat.gl/INNPI101
Illoqarfiit nunaqarfiillu akornanni assigiinngissut annertunerpaaq Kommuneqarfimmi Sermersuumiippoq. Kommuneqarfik Sermersuumi illoqarfinni najugallit agguaqatigiissillugu inuup ataatsip isertitai tamarmiusut nunaqarfinni najugallip isertitaannit marloriaataannik annertussuseqarput. Tamanna kommunimi innuttaasut siammasissumik agguataarsimanerannik peqquteqarpoq. Innuttaasut amerlanersaat Nuummi najugaqarput, isertitaqarfiulluartumi, innuttaasulli nunaqarfinni najugallit amerlanersaat Tasiilap distriktiani najugaqarput, agguaqatigiissillugu appasissumik isertitaqarfiusumi.
Akerlianik Qeqqata Kommuniani illoqarfinni aamma nunaqarfinni isertitat agguaqatigiissinneri assigiingajapput. Kangerlussuarmi isertitat qaffasinnerannik peqquteqartumik. Qeqqata Kommuniani nunaqarfinni najugallit 40 pct.-ingajai Kangerlussuarmi najugaqarput, taakku nunaqarfinni isertitanik naatsorsuinermi qaffasitsitsipput. Narsarsuarmi isertitat aamma qaffasipput, Kommune Kujallermilu nunaqarfinni isertitat annertussusaannut qaffasitsitsillutik – taamaattoq Kangerlussuarmitut annertutiginngitsumik, Kommune Kujallermi nunaqarfinni najugallit tamakkerlutik Narsarsuarmi najugaqartortai ikinnerungaatsiarnerannik peqquteqartumik.
Illoqarfinni nunaqarfinnilu isertitat nikingassutaat ilaatigut ukioqqortussutsimik tunngaveqarpoq. Inuit sulisinnaasut akornanni isertitat nikingassutaat ersarinneruvoq, takuuk titartagaq 3.9. Nunaqarfinni isertitat ukioqqortussutsinut tamanut naligiissaarnerusumik agguataarsimanerannik tamanna peqquteqarpoq, illoqarfinnilu sulisinnaasut akornani isertitat annertuumik qaffasinnerupput, inuusuttunut utoqqaanerusunullu sanilliullugit.
Titartagaq 3.9 Agguaqatigiissillugu inuit isertitaat tamakkiisut, ukiut najugaqarfillu malillugit. 2024
Najoqqutaq: https://bank.stat.gl/INNPI101
Illoqarfiit kisiisa isigissagaanni, takuneqarsinnaavoq nikingassut annertusoq.
Takussutissiaq 3.7 malillugu Nuummi agguaqatigiissillugu inuk ataaseq 384.000 kr.-nik tamakkiisumik isertitaqarsimasoq, illoqarfinni allani isertitat tamarmiusut annikinnerupput. Sisimiut tamakkiisumik isertitaqarfiusut annertunerpaat tulleraat, tassani inuk ataaseq 315.000 kr.-nik isertitaqarsimalluni. Illoqarfinni agguaqatigiissillugu isertitat tamakkiisut 2024-mi 305.000 kr.-usimapput. Nuna tamakkerlugu illoqarfinni isertitat tamarmiusut agguaqatigiissinnerini Nuummi Sisimiunilu isertitat kisimik agguaqatigiissitsinermit qaffasinnerupput.
Takussutissiaq 3.7 Agguaqatigiissillugu inuit isertitaat tamakkiisut, illoqarfinni
|
|
2020 |
2021 |
2022 |
2023* |
2024* |
|
|
|
||||
|
Nuna tamakkerlugu ............... |
269 |
271 |
285 |
294 |
305 |
|
Nanortalik ........................ |
183 |
184 |
198 |
207 |
226 |
|
Qaqortoq ............................... |
247 |
249 |
257 |
267 |
290 |
|
Narsaq ................................ |
211 |
223 |
226 |
235 |
249 |
|
Paamiut ................................ |
205 |
210 |
222 |
221 |
235 |
|
Nuuk .................................. |
349 |
346 |
363 |
372 |
384 |
|
Maniitsoq ............................... |
233 |
235 |
251 |
257 |
280 |
|
Sisimiut ................................ |
274 |
277 |
296 |
303 |
315 |
|
Kangaatsiaq ............................ |
158 |
166 |
182 |
186 |
188 |
|
Aasiaat ................................ |
219 |
227 |
236 |
239 |
251 |
|
Qasigiannguit ........................... |
229 |
227 |
236 |
243 |
247 |
|
Ilulissat ................................ |
265 |
264 |
279 |
290 |
291 |
|
Qeqertarsuaq ........................... |
233 |
212 |
231 |
241 |
242 |
|
Uummannaq ............................ |
228 |
223 |
236 |
236 |
242 |
|
Upernavik .............................. |
187 |
186 |
202 |
201 |
199 |
|
Qaanaaq ............................... |
166 |
173 |
178 |
185 |
194 |
|
Tasiilaq ................................ |
186 |
195 |
204 |
220 |
221 |
|
Ittoqqortoormiit.......................... |
198 |
213 |
237 |
241 |
259 |
Malugiuk: Kisitsisit 2023-meersut aamma 2024-meersut kisitsisaagallarput.
Najoqqutaq: https://bank.stat.gl/INNPI102
Nunaqarfiit akornanni mittarfeqarfiit Kangerlussuaq aamma Narsarsuaq takussutissiaq 3.8 malillugu nunaqarfinnut allanut naleqqiullugit isertitaat qaffasinnerungaatsiarput. Mittarfeqarfinni pineqartuni tamani inuit isertitaat tamakkiisut aammattaaq nuna tamakkerlugu agguaqatigiissitsinermit annertunerupput.
Takussutissiaq 3.8 Nunaqarfiit agguaqatigiissillugu qaffasinnerpaamik tamakkiisunik isertitaqarfiusut
Anm: Tallene for 2023 og 2024 er foreløbige tal
Najoqqutaq: https://bank.stat.gl/INNPI103
Agguaqatigiissillugu isertitat tamakkiisut akileraarusersimanngitsullu il.il. 128.000 kr.-miittut Naajaaniipput. Upernaviullu distriktiani inoqarfinni tamani 2024-mi takussutissiaq 3.9-lu malillugu isertitakinnerpaajusimapput. Tassani takuneqarsinnaapput nunaqarfiit qulit 2024-mi tamakkiisunik isertitakinnerpaasimasut.
Takussutissiaq 3.9 Nunaqarfiit agguaqatigiissillugu appasinnerpaanik tamakkiisunik isertitaqarfiusut
|
|
2020 |
2021 |
2022 |
2023* |
2024* |
|
|
1.000 kr. |
||||
|
Naajaat ......................... |
177 |
161 |
140 |
129 |
128 |
|
Upernavik Kujalleq ................ |
142 |
128 |
142 |
140 |
146 |
|
Nuussuaq ....................... |
149 |
147 |
155 |
163 |
148 |
|
Sermiligaaq ...................... |
139 |
130 |
137 |
136 |
151 |
|
Tiilerilaaq ........................ |
136 |
134 |
148 |
148 |
151 |
|
Kangersuatsiaq ................... |
127 |
143 |
146 |
150 |
151 |
|
Ammassivik ...................... |
143 |
144 |
149 |
172 |
153 |
|
Kullorsuaq ....................... |
147 |
138 |
152 |
162 |
157 |
|
Iginniarfik ........................ |
125 |
165 |
168 |
152 |
158 |
|
Attu ............................ |
130 |
130 |
148 |
153 |
159 |
Malugiuk: Kisitsisit 2023-meersut aamma 2024-meersut kisitsisaagallarput.
Najoqqutaq: https://bank.stat.gl/INNPI103
3.5 Suiaassutsit malillugit isertitat
Takussutissiaq 3.10 malillugu 2024-mi angutip agguaqatigiissillugit isertitai tamakkiisut akileraarusingaanngitsullu il.il. 327.000 kr.-upput, arnallu isertitai 271.000 kr.-ullutik. Nuna tamakkerlugu angutip isertitai agguaqatigiissillugu 20,7 pct.-inik arnap isertitaanit annertunerupput.
Takussutissiaq 3.10 Agguaqatigiissillugu inuit isertitaat tamakkiisut, suiaassuseq malillugu
|
|
2022 |
2023* |
2024* |
|||
|
|
Angutit |
Arnat |
Anguti |
Arnat |
Angutit |
Arnat |
|
|
1.000 kr. |
|||||
|
Nuna tamakkerlugu |
305 |
248 |
317 |
257 |
327 |
271 |
|
Kommune Kujalleq............ |
239 |
221 |
250 |
232 |
274 |
246 |
|
Kommuneqarfik Sermersooq.... |
361 |
285 |
373 |
295 |
382 |
313 |
|
Qeqqata Kommunia........... |
310 |
240 |
316 |
249 |
333 |
263 |
|
Kommune Qeqertalik.......... |
234 |
211 |
243 |
214 |
249 |
222 |
|
Avannaata Kommunia.......... |
260 |
211 |
271 |
217 |
271 |
223 |
Malugiuk: Kisitsisit 2023-meersut aamma 2024-meersut kisitsisaagallarput.
Najoqqutaq: https://bank.stat.gl/INNPI101
Takussutissiaq 3.10-mi takuneqarsinnaasut malillugit angutit isertitaat arnat isertitaanit kommunini tamani qaffasinnerupput. Ukioqqortussutsit malillugit nikingassut aamma tamani atuuppoq. Ukioqqortussutsini tamani angutit 2024-mi isertitaat arnat isertitaannit qaffasinnerupput.
Titartagaq 3.10 Agguaqatigiissillugu inuit isertitaat tamakkiissut, ukiut suiaassuserlu malillugit. 2024
Najoqqutaq: https://bank.stat.gl/INNPI101
Sumiiffinni innuttaasullu atugarisaanni tamani uuttuutinut tamanut isertitanut suiaassutsinullu atassuserneqarsinnaasuni aamma tamanna atuuppoq.
3.6 Ilinniakkap qaffasissusaa malillugu isertitat
Ilinniakkap qaffasissusaa isertitallu annertussusaat ataqatigiipput. Qaffasissumik ilinniarsimasut appasinnerusumik imaluunniit ilinniagaqarsimanngitsunit isertitaat annertunerungaatsiarput. Tamanna qaffasissumik ilinniagaqarsimasut suliffillit appasinnerusumik ilinniaqarsimallutik sulisunit annertunerungaatsiartumik akissarsiaqarnerannik peqquteqarpoq.
Qaffasissumik ilinniagallit akornanni suliffeqarnerup annertunerunera kiisalu suliffissaaleqinerup annikinnerunera isertitat nikingassutaannut aammattaaq sunniivoq. Tassani qaffasissumik ilinniagaqarsimasut (ikinnerungaatsiartut) isertitanut taarsiissutaasunik ikiorsiissutinik appasinnerusumik ilinniagaqarsimasuniit pisartagallit aamma ikinnerungaatsiarmata.
Titartagaq 3.11-mi takuneqarsinnaavoq ingerlariaqqiffiusumik ilinniagaqarsimasut ukioqatiminnit appasinnerusumik ilinniagaqarsimasunit annertunerusunik isertitaqartut.
Titartagaq 3.11 Agguaqatigiissillugu inuit isertitaat tamakkiisut, ukiut ilinniakkallu qaffasissusaa malillugit. 2024
Najoqqutaq: https://bank.stat.gl/INNPI104
Takussutissiaq 3.11 malillugu illoqarfinni nunaqarfinnilu isertitat nikingassutaat ilinniakkat ataasiakkaat malillugit sanilliussinermi annikinnerulertarpoq. Taamaattumik illoqarfiit nunaqarfiillu akornanni isertitat assigiinngissutaat illoqarfinni qaffasinnerusumik ilinniagaqarsimasoqarneranik nassuiarneqarsinnaavoq.
Takussutissiaq 3.11 Agguaqatigiissillugu inuit isertitaat tamakkiisut najugaqarfik, suiaassuseq ilinniakkallu qaffasissusaa malillugit 2024
|
|
Illoqarfinni |
Nunaqarfinni |
||
|
|
Angutit |
Arnat |
Angutit |
Arnat |
|
|
1.000 kr. |
|||
|
Tunngaviusumik atuarfik................. |
243 |
187 |
206 |
164 |
|
Ilinniarnertuunngorniarneq................ |
348 |
228 |
292 |
223 |
|
Inuussutissarsiornermi ilinniagaq........... |
436 |
325 |
327 |
257 |
|
Ingerlariaqqiffiusumik ilinniagaq naatsoq.... |
352 |
274 |
395 |
144 |
|
Ingerlariaqqiffiusumik ilinniagaq akunnartumik sivisussusilik |
597 |
462 |
469 |
433 |
|
Ingerlariaqqiffiusumik ilinniagaq............ |
820 |
673 |
.. |
.. |
Najoqqutaq: https://bank.stat.gl/INNPI104